Rwanda

Mbere, iyoherezwa muri Mozambique ry'abasirikare b'u Rwanda ryari ryamaganwe na bamwe mu bo mu ishyaka rya FRELIMO riri ku butegetsi.

Hashize igihe bamwe mu bo mu mashyaka atavuga rumwe n'ubutegetsi muri Mozambique bavuga ko kuba abasirikare b'u Rwanda bari kurwanya intagondwa mu karere gasanzwe gakize ku mutungo kamere, bashobora no gufatirana bagasahura uwo mutungo. Mu kwezi kwa karindwi mu 2021, u Rwanda rwohereje muri Mozambique abasirikare n'abapolisi bose hamwe bagera ku 1,000 kurwanya intagondwa zari zaragabye ibitero byahitanye abaturage mu ntara ya Cabo Delgado mu majyaruguru ashyira uburasirazuba bw'igihugu. Ambasaderi wa Mozambique mu Rwanda, Amade Miquidade, yapfobeje ubwoba bwuko u Rwanda rushobora kuba rurimo gukoresha abasirikare rwohereje muri Mozambique kurwanya intagondwa, mu gusahura umutungo w'iki gihugu cyo muri Afurika y'amajyepfo.